居民憂損治安 促警巡邏把關
【本報訊】內地水貨客攻陷中英街，該處瞬間變成「水貨天堂」。居於附近的沙頭角村村民直指生活受影響，不諱言擔心該區治安轉差，期望本港警方能加強巡邏，緊守關口，嚴防有不法之徒渾水摸魚，乘機非法入境。
十元自由行助長走私
「最近多咗好多內地人嚟掃水貨，以前喺中英街多數係金舖，依家改晒賣奶粉同日用品。」在沙頭角居住逾廿年的居民李先生慨嘆，中英街已由「旅遊區」變成「水貨城」。去年九月起，深圳對中英街開綠燈，推出「十元自由行」措施，即非深圳居民由以往需繳付五十元，改為只需十元便可申請辦理一次性邊境管理區通行證進出中英街，新措施雖便利內地居民，但同時變相助長水貨客走私活動。
李先生坦言，水貨客數目激增，令該區人流變得複雜，「村民之間都互相認識，一旦發現有陌生臉孔，會特別提高警覺，但都希望兩地警方做好把關，令我哋安心啲。」