甫進音樂室，就見一位染了金髮、衣着輕便的年輕人示範：「呢段應該『噗咄噗咄』，大家試吓嚟多次！」Frankie的外形新潮，指導着九名學生beatbox節奏口技，活用嘴巴來演活電子樂器的聲音，負責主音的孿生兄弟接上拍子，琅琅上口唱着韓文歌詞，整間音樂室充滿悠揚樂韻。

大學生兼任導師

「佢哋只係學咗三個幾月無伴奏，原本連譜都唔識睇！」Frankie看着一手栽培出來的無伴奏合唱團一臉自豪。接受訪問的他談吐溫文爾雅，他目前就讀大學建築系三年級，同時為三間中學擔任無伴奏合唱團導師，只象徵式收取少量學費，希望更多年輕一代欣賞音樂，透過教育令無伴奏音樂在港普及。「我會畀佢哋揀歌，等佢哋興趣大啲，然後重新編譜。我原本都唔識韓文o架，叫朋友教我拼音再教班學生囉！」

一輪練習過後，Frankie與學生打成一片，「班學生會同我講秘密，問我點樣用音樂追女仔喎！咁當然音樂唔係淨係得呢個用途啦。」Frankie笑言會跟學生講道理，「兼職」人生教練，分享音樂如何豐富人生，「我會同佢哋分享多啲大學生活，令佢哋有所憧憬，讀書會多啲動力。」多才多藝的他成為學生榜樣，在他指導下，學生除音樂上有進步，亦有人生目標。

身兼大學生與導師，Frankie還從事編曲工作和參與不少公開演出，又兼職助理建築師。惟他強調不應用「忙」來形容現階段生活，「透過表演同教育接觸音樂，令我好有成功感，希望教育更多新一代。」訪問完他即趕回大學繼續功課，也許對他而言，這是「充實」才對！

提名熱線:3600 9999

Fax:3600 9900

E-mail:like@on.cc

文：陳淑珍／圖：關萬亨