吳國昌唔係香港嘅立法會議員，亦唔係香港人，究竟同香港有咩關係、而又要寫封「香港家書」呢？佢喺呢封「家書」度話，自己八十年代喺香港中文大學崇基學院經濟系讀書嘅，可能呢個係佢其中一個同香港嘅淵源。
投訴內地客多到爆煲
吳國昌話，澳門官方判斷嘅旅客承載力極限是二千九百萬人次，而當地去年以內地旅客為主嘅入境旅客總人次已超過二千八百萬人次，加埋春節期間入境旅客人次，已突破承載力極限。
佢又話，過多嘅內地旅客破壞咗澳門社區環境，亦令居民愈來愈難取得日常服務同用品，批評澳門政府為咗經濟數字任由情況惡化喎，佢仲建議有同樣情況嘅香港可以同澳門聯手向中央反映咁話。