出幾多錢 都唔離棄
公立醫院醫生工時長、工作量大，很多醫生意興闌珊，或轉私人執業搵真銀。伊利沙伯醫院麻醉及手術室副顧問醫生霍敬德卻說︰「出幾多錢，我都唔會走。」原來背後有一段情……
伊院出生 服務伊院
現年四十多歲的霍敬德，當年澳洲留學回港後堅持到伊院工作︰「我喺伊院出世，曾因病留醫兒科，最記得嗰陣消毒藥水味，自此總有一種說不出來的親切感。所以畢業後返港搵工，喺醫務衞生署面試時就話要去伊院。當年麻醉科好吃香，以為實得，點知屯門醫院剛落成，可能派去屯門，好彩最終派去伊院。」
霍敬德與伊院的緣真是一言難盡，話說入職麻醉科後，竟意外發現當年為霍媽媽接生的醫生是自己上司：「阿媽話麻醉科阿頭個名，同當年接生醫生個名好似，第二日搽晒面懵膏去問人，點知係真！」上司已退休，其子繼承衣鉢當起麻醉科醫生，現與霍敬德為同事，霍醫生不禁慨嘆：「伊院好似另一個家咁。」
談到行醫多年的最大危機，自然是○三年沙士疫症，霍醫生說當年眼見醫護人員逐個倒下︰「有閃過退後念頭。」幸而看見病人康復，向醫護人員衷心道謝，他深深感受這一切非金錢物質能相提並論。
本報記者