公屋天花滲漏兩年
「搞咗咁耐都未查到咩事，啲職員仲叫我哋自己搵專家驗，根本就幫唔到手！」大埔富亨邨居民蘇小姐指出，單位客聽天花於兩年多前已有滲漏，滲水位置仍不斷逐漸擴散，食環署與屋宇署合組的滲水辦職員雖曾多次上門調查，至今仍未能確定滲水源頭。
滲水辦發言人證實，曾於一○年五月及前年七月接獲舉報，職員曾先後到上層單位進行排水渠口色水測試，又在廚房地台與浴室地台進行蓄水測試，並於周邊牆壁作灑水測試，惟皆未能確定滲水源頭，加上水漬已告乾涸，滲水情況亦已停止，遂暫時停止跟進。發言人又強調，該處進行的色水測試，屬現時最直接的引證滲水源頭方法。
「如果真係咁專業，有咩理由拖咁耐都搵唔到源頭！」蘇小姐坦言對滲水辦的回覆深表懷疑，要求當局與時並進，研究更具效率的測試工具及方法。