財政司司長曾俊華（鬍鬚曾）自爆近年身邊好多人、特別係一啲後生仔成日都問佢幾時先至適合買樓，佢尋日就煞有介事咁話要借機會再答一次。大家以為佢有咩猛料爆啦，點知佢就話置業係我哋一生人中最重要嘅投資，所以我哋作出決定前，要留意自己可以應付按揭嘅能力，同埋要特別留心利率嘅走勢咁話。原來鬍鬚曾又係講緊「阿媽係女人」嘅大道理。鬍鬚曾年年財政預算案都估錯數，估唔到仲有人會向佢請教，真係問盲俠指點迷津都清楚過佢。
