建築物料阻路食署漠視
「啲竹枝已經擺咗喺度個幾月，食環署職員如果有巡街，冇理由見唔到！」周小姐表示，屯門青海圍近青海遊樂場對出路口長期被擺放大量竹枝及紗網，阻礙行人進出，「呢度起緊天橋，又有大廈維修，環境已經唔好，啲竹枝仲要周圍擺冇人理，簡直無王管！」
食物環境衞生署發言人指出，經巡查後發現上址附近有大廈正進行外牆維修工程，並將建築物料置於馬路邊，已隨即聯絡負責人，警告並飭令將建築物料移去，現時上址街道潔淨情況良好。惟發言人稱，去年未有相關投訴及檢控紀錄，而就有關佔用政府土地堆放建築物料事宜，已轉介地政總署跟進。
「冇收到投訴就冇檢控，踢一踢先郁一郁，如果唔係《東方》轉介，食環署幾時先肯做嘢？」周小姐證實有關建築物料已移走，但不滿食環署處事被動，要求當局加緊巡查上址。