單車橫衝直撞南昌站

「條通道又窄又多人行,啲外賣單車喺度踩嚟踩去真係好危險,我嗰次仲差啲畀佢撞倒!」呂先生指港鐵南昌站近日進行工程,路面通道已被封閉,但疑有使用單車人士為貪方便,直接推單車穿過車站,未及出口已在行人通道上「急不及待」地騎上單車「絕塵而去」,令行人避無可避。

港鐵發言人稱,接獲轉介後已即聯絡該站,經了解後獲悉車站職員亦有留意到有乘客將攜帶單車進入站內,並曾勸喻及發出警告,又承諾會繼續留意有關情況,並不時巡視車站,確保乘客不被滋擾。發言人強調,根據《港鐵附例》,任何人士不得在港鐵內踏單車,以免對乘客構成危險。

「向《東方》投訴咗情況真係好咗好多,希望港鐵唔好再畀人喺度踩單車,咪等啲細路仔同老人家畀人撞倒!」呂先生要求港鐵繼續加緊派人手在站內巡視,防止意外發生。

第一手消息請下載on.cc東方互動iPhone/iPad/Android/Windows Phone Apps