渡海濠情：聖誕女友無福消受
早排美國一名富有地產商賣廣告，誠徵女伴做佢嘅聖誕女友，結果好快收到萬五封電郵嚟應徵。雖然個地產商冇話會畀錢，但話晒都係隻金龜，梗係多人Like。不過澳門大富豪桑拿嘅桐桐卻表示冇興趣，皆因無謂喺聖誕為一棵樹放棄成個森林喎！
拒棄樹林
有錢佬誠徵聖誕女友，樣靚身材正嘅桐桐不妨考慮吓。點知桐桐聽到後，竟然擰晒頭話冇興趣，而理由並非因為嫌錢腥，卻係無謂為咗個六十幾歲嘅男人，糟蹋咗個溝仔溝到腳仔軟嘅性誕……係聖誕節。桐桐解釋：「如果應徵得做聖誕女友，即係成個聖誕節都要對住佢啦！如果係咁嘅話，即係我唔使旨意落酒吧或者去派對溝仔，咁咪即係為咗一棵樹，放棄咗成個森林？話晒都係一年一度嘅溝仔，兼且係個名正言順去蒲嘅日子，而我更預咗喺呢個日子夜夜笙歌，你話咁係咪好浪費先？」為咗溝仔而唔釣金龜，真係唔知好唔好讚佢有性格。
夜夜精彩
既然桐桐講到聖誕節係個溝仔嘅好日子，咁唔知桐桐呢幾晚有乜好安排呢？點知桐桐竟面紅話：「詳情我就唔話你知，只可以透露我已經準備好，晚晚同唔同嘅男士曳曳，保證晚晚都玩得好精彩。」唔講都冇所謂，因為從桐桐嘅眼神就已經睇得出，佢應該會喺床上好唔得閒。桐桐笑道：「又唔好講得我咁鹹濕，其實我份人好簡單，喺呢個佳節期間可以同個啱心水嘅男士拖吓手仔、傾吓偈就已經覺得好滿足。當然，若然能夠同佢曳曳嘅話，咁就更加Perfect。」究竟桐桐今年聖誕有乜艷遇呢？睇怕要等下年嚟到至知喇！
桐桐Profile
身高：5呎4吋
三圍：33、22、33
撰文：魂
攝影：昌