政情：今日你上鏡：死頂復出
因血糖高緊急入院嘅民協立法會議員馮檢基出院八日，又冒寒上鰂魚涌柏架山紅屋附近行山。原來近日一班港島東街坊反對英基學校計劃喺林邊地建校及建大型行車天橋，阿基二話不說「幫拖」，尋日親自上山視察自然生態，又向行山人士派單張、收集簽名，咁落力，街坊一於煲定蘋果雪耳水慰勞。阿基早前睇嘢有疊影入院，依家好得八八九九，只餘右眼角仍有輕微疊影，醫生就苦口婆心勸佢咪咁操勞。阿基嘆無奈，皆因做咗「超級議員」後，工作排山倒海，日睡四粒鐘。佢話嚟緊要與同事好好傾吓分工合作至得。
因血糖高緊急入院嘅民協立法會議員馮檢基出院八日，又冒寒上鰂魚涌柏架山紅屋附近行山。原來近日一班港島東街坊反對英基學校計劃喺林邊地建校及建大型行車天橋，阿基二話不說「幫拖」，尋日親自上山視察自然生態，又向行山人士派單張、收集簽名，咁落力，街坊一於煲定蘋果雪耳水慰勞。阿基早前睇嘢有疊影入院，依家好得八八九九，只餘右眼角仍有輕微疊影，醫生就苦口婆心勸佢咪咁操勞。阿基嘆無奈，皆因做咗「超級議員」後，工作排山倒海，日睡四粒鐘。佢話嚟緊要與同事好好傾吓分工合作至得。
