政情:八網難逃:熱播聖誕歌茂波粉飾太平?

聽日就係聖誕節,多位司局長都陸續將網站布置一番,貼出聖誕賀卡,不過講到最有聖誕氣氛要數發展局,喺網站熱播聖誕歌,名副其實熱烈地彈琴賀聖誕。表面上一片歌舞昇平嘅發展局其實危機處處,首數本月卅一日就截止嘅「新界村屋僭建物申報計劃」。前日先有鄉紳照搬反國教集會伎倆,拉埋一班老人家照辦煮碗手舉「撤回」標語,要求局方撤回申報計劃。究竟發展局局長陳茂波可唔可以用歌聲軟化鄉紳?而撤與唔撤之間有幾多討論空間呢?呢個就要考陳茂波嘅政治智慧喇!

第一手消息請下載on.cc東方互動iPhone/iPad/Android/Windows Phone Apps