周五晨早即起，耍一輪「五禽戲」，模仿虎、鹿、熊、猿、鳥五種禽鳥嘅動作，只為了靈活筋骨，尤其是猿形的動作，以鼻吸滿氣後閉氣，如猿爬樹，一手如捻果子，一腳抬起，另一腳隨身扭轉，然後以意吞所閉之氣入腹，覺汗出停止，如此不停練習，有利疏通肢體關節也。
老朽如此苦心，皆因想於人頭洶湧、萬手齊伸時，搶奪一份《好報》而已！天道酬勤，皇天不負有心人，老朽亦不比CY差，同樣「奮發進取，務實有為」奪得心頭好《好報》！
一報在手，但覺鮮妍飄灑，林峯、子珊雖成「兩大高層角力犧牲品」，之不過靚仔美女，亦甚動人！右角小圖，但見「樂基兒貼錢冧老外」、「Ana R‧周街連環啜」，認真好八卦！八到入心入肺！八卦之樂樂無窮，老朽《好報》在手，哪會把甚麼末日傳說掛在心上！
之不過，最頂個小格有套紅反白「獨家爆料」──肥佬黎睇腦病專家──但見佢剃光頭、垂頭低眉、精神委靡；原本鮮妍飄灑嘅封面，有了少少烏雲的顏色，係就係有啲唔match，諗起佢旗下嘅壹淫媒，向以宣淫販賤、反中亂港食胡，唔通爽過龍，搞到壞腦？
老朽於即將來臨嘅聖誕佳節，都唔想處處播佳音時諸多忖測，讀者睇咗《好報》求實存真嘅獨家爆料，必定有所啟悟！老朽都冇你咁好氣，一於喺「好有禮」一欄，答條腦退化都會中嘅問題，率先攞兩張戲飛先！下周五，過完聖誕，記得快手快腳搶份《好報》，有晒正能量，再有末日，關我屁事！