綁路牌借力 竹棚危害行人
廖先生日前行經旺角道，發現在人來人往的行人路上，竟有店舖將多個公共路牌及燈柱綁上竹枝，以「借力」支撐竹棚進行裝修工程，「呢度咁多人行，容乜易唔穩陣冧落嚟砸親人，行過都咪話唔驚！」廖擔心工程未獲部門批准，安全成疑，對路人構成危險。
路政署指接獲轉介後曾派員實地視察，發現上址裝修工程位置有竹枝繫綁於交通標誌牌上，已要求工程負責人盡快拆除。
「同《東方》反映最實際，話咁快就解決咗，依家行過嗰度都唔使再提心吊膽，驚啲竹會冧落嚟！」廖先生斥責涉事店舖罔顧途人安全，並指已不止一次於不同地點目擊以路牌借力情況，要求路政署定期巡視公共路牌，保障市民安全。