曾於梁振英（CY）競選特首時擔任「近身」嘅靚女陳冉，今年六月底離開候任辦稍事休息後終於有新動向，佢已加盟由CY堅實支持者、行政會議成員張震遠做主席嘅香港商品交易所做主席助理，至今差唔多返咗工兩星期。咪睇近日天氣轉冷，查實陳冉轉工後依然貪靚，事關佢日前出席公開活動時，只穿着黑色薄衫及外套，而且仲笑笑口同我哋講，如果影得唔靚唔畀刊登喎，貪靚果然係女仔嘅本性！
