搞手懵然不知安全指引
【本報訊】港燈設有康樂組為員工舉辦活動，類似的參觀發電廠兼煙花船河活動亦經常舉行，但有份參與統籌的康樂組主任黎浩賢昨供稱，他不知道海事處有就觀賞煙花船隻發出安全指引，他亦沒親自點算船上參加者人數，更不清楚小孩數目，委員會主席倫明高質疑他：「你睇唔到船上有小孩呀？你冇問過船上有冇小孩專用嘅救生衣？」
未點算乘客人數
卅四歲的黎浩賢有份籌辦今次船河活動，但他否認是主辦人，只是根據下屬的編排，當日在船程中提供協助，而公司亦經常舉辦類似活動，對上一次是今年七‧一煙花匯演。黎指事前獲同事分配一份活動程序及參加者名單，但名單中只列出參加的職員姓名及同行親友人數，當日他負責在不同碼頭接載參加者到南丫島發電廠參觀，晚飯後登上南丫IV協助並打算主持抽獎。
參加者可隨意選擇登上南丫II或IV兩船，黎沒親自點算登上南丫IV的人數，只靠船員告知共一百廿四人登船。倫明高問他：「你知唔知船上有小孩？」黎僅回應：「照我所知應該有。」倫追問：「咁你見唔見到有吖？」他才說：「見到。」倫再追問：「你知唔知船上有超過卅二個小朋友o架？」黎回應：「準確數字我唔知。」倫質疑：「你有冇問過船上有無專畀小朋友着嘅救生衣o架？」黎如實答道：「無！」
倫明高又出示一張海事處的安全指引，列明船主船長船員或控制人員，要向乘客介紹救生設備；所有兒童全程要穿救生衣；要備有船員及乘客名單作應急用；要遵守牌照上所訂明的載客量。黎稱在籌辦活動過程中無見過該通告，亦沒聽過相關同事談論過通告內容。
目擊撞船經過
撞船時，黎浩賢正好在駕駛艙內，目擊海泰號迎面高速駛來，他說船長在臨撞船前五秒才扭軚轉右，撞船後他致電報警求助說：「撞咗船……，快啲派人嚟、快少少唔該……，我睇唔到對方係咩嘢船，佢係咁撞埋嚟都無收到！」