商人：醫生斷錯症都要負責
【本報訊】涉事的建材商人自稱：「千萬財產沒了，家沒了，老婆孩子沒了，朋友沒了，還要坐冤獄」，他更相信跌入人生谷底，責任在楊天命，又稱：「醫生斷錯症都要負責任啦！最多一拍兩散！」他又揚言要拆楊的招牌，並要討回當年睇風水和批命的數萬元，但又稱楊算得好，給錢他無所謂，但因為自己現時身無分文，才向楊要錢。
自稱財困要「瞓桑拿」
四十一歲的孫聲稱，早年在駱克道開設石材店，每年收入數百萬。○三年得楊天命指點添丁，自此對楊深信不疑，○六年因婚姻出問題，聽從楊建議與妻到上海，此後墮人生低潮，先因倉卒結束香港生意，令一張涉款三千元的訂單惹官非，近年其在上海生意失敗加上離婚，兩子隨母親移居美國，他最後落得一個人回港生活，但無地方落腳，每晚要山長水遠返內地「瞓桑拿」。
孫說，所有的壞事全因錯信楊天命所言，「佢講過我唔適合去北方發展，但又叫我同老婆去上海，佢想害死我！」他稱，當年送給楊的三尊觀音由玉石雕製，價值八萬元，「我係生意人，唔係咁計較，佢算得好咪畀佢無所謂。」但現時已身無分文，才向他要錢。又說會繼續到其公司唱衰，拆其招牌及要求回水。