垃圾崗臭熏天食署漠視
路邊垃圾崗臭氣熏天，食物環境衞生署竟指查無所獲！陳先生指大角咀角祥街路邊近日突被放置多個大型垃圾桶，內外均布滿棄置廚餘，大量尿袋更棄於垃圾桶旁，不但阻塞通道，更造成嚴重衞生問題，「同食環署投訴咗好多次都仲係咁，真係好污糟好核突！」另一街坊陳小姐更每日為避開垃圾堆而「兜路返屋企」，不滿食環署無視街道衞生問題。
食環署發言人稱，過去一年共接獲四宗相關投訴，接獲本報轉介後曾多次派員巡察，但未有發現投訴人所指的垃圾桶，更認為上址環境衞生情況尚可，但已安排潔淨服務承辦商清洗該處一帶。
「可能因為有人投訴，所以兩個垃圾桶擺咗喺隔籬街，明明都仲擺喺條街度，食環署冇理由查唔到！」陳先生對食環署的回覆大表不滿，直指現時上址衞生情況依然惡劣；陳小姐則斥責食環署執法不力，「轉咗位唔等於冇咗，究竟食環署點查o架？」