渡海濠情:抬高身價圓吸金夢

最近日本涉谷開咗間主題餐廳,賣點以現役水着寫真女郎做服務生,店長就係人氣寫真偶像中山葵,嗰班服務生個個都身材惹火,笑容親切,客人入去幫襯,畀杯水佢飲都開心死。嚟自凱旋桑拿嘅靚女技師小伊,話呢條橋有得諗喎!

製造人氣

小伊話:「我都諗過唔做技師之後,搵班姊妹合股開間咖啡店,我哋個個身材惹火,樣子甜美,但就係欠缺知名度,想有人嚟幫襯都幾難,所以我決定學日本寫真妹咁樣,先替自己製造名氣。」點樣製造呀?小伊話:「我哋每人先拍一輯出位噴血寫真,然後……」做寫真模特兒?小伊話:「出書要好多錢o架,而且尺度好嚴,所以我會逐批放上網,只要照片夠放夠出位,網友一定爭相轉貼,到時人氣爆燈,再公布我哋會喺某地方開店,到時一定火爆。」

天才表演

又諗得幾周到喎!小伊急不及待:「仲有呀!我會喺店裏面擺個小舞台,可以畀我哋表演,會唱歌嘅唱歌,會跳舞嘅跳舞,乜都唔識嘅吹吓水或者同客人玩吓小遊戲,一樣會大受歡迎!」到時會唔會繼續玩性感呢?小伊話:「當然會啦!你唔性感,邊有人嚟睇你呀?平時咖啡店三十蚊一杯咖啡,到時我哋就賣六七十蚊一杯,一日有得兩三百人幫襯,輕輕鬆鬆就發達啦!」小伊愈講愈興奮,最後更哈哈大笑,小妹妹有夢想當然係好事,但想一朝發達,邊有咁易,都係腳踏實地好啲。

小伊Profile  

年齡:19歲

三圍:35-24-35

撰文:小德 

攝影:阿德