政情：公民講場：貪曾無法無天 失傘等制裁
「貪曾」前特首曾蔭權爵士貪盡海陸空，歎盡省港澳，當時佢恃住仲係特首就有恃無恐，加上時任廉政專員湯顯明同貪曾關係密切，因疑「歎慢板」配合，企圖靜雞雞令貪曾貪腐醜聞不了了之。不過，事實擺在眼前，貪曾嘅貪腐醜聞陸續造成不可彌補嘅影響，間接令香港喺最新全球廉潔排名不升反跌，就連同貪曾共事多時嘅前廉政專員李少光都疑睇唔過眼，不點名指香港呢個法治社會，再高嘅官位都不可成為貪腐罪行嘅「保護傘」，任何人觸犯法律都會受制裁。貪曾依家冇咗特首呢把傘護身，廉署唔行動仲等乜嘢呢？
