主腦夫婦孭債嗜賭走歪路
【本報訊】變成賣淫主腦的公屋中年夫婦，均曾婚姻破裂，但兒孫滿堂，惟兩人再婚後僅數天，本身周身病痛的男方即不幸中風致行動不便，數年來只能斷續工作，經濟拮据，兩夫婦又嗜賭，動輒為錢銀爭執，疑因財困走上歪路。曾接濟兩人的街坊早前發現兩人「食好咗」，慨嘆：「個女人打扮咁樸素！真係唔似啲咁嘅人！」
被捕的姓吳丈夫，與前妻育有三名兒子，均已出身，雙方離異後全跟前妻生活；姓何妻子為新移民，與內地前夫育有一名廿多歲兒子。據悉，兩人均已榮升爺爺及嫲嫲，但任職搭棚工的吳健康欠佳，患心臟病及高血壓，五年前再婚不久又輕微中風，需以拐杖助行，自此改作中間人「接job」安排工人開工，但疑因經營不善債務纏身。
時靠街坊接濟
何婦為照顧丈夫，只能間中為人改衫或洗碗幫補家計。前年遷至富昌邨後，吳的孻子曾因患腦癌由澳洲回港養病，去年病逝，何婦曾不滿吳與前妻仍有聯絡，且經濟拮据，兩人又愛賭錢，常為家庭及錢銀爭執。街坊稱曾見何婦買十蚊「臘鴨頭」分幾餐進食，故有時加以接濟，但早前見兩人於邨內貴價餐廳用膳，稱：「仲以為點解突然食好咗！唉！咁貪心做乜！努力搵工咪得囉！」