求實傳真，同你講心！嘩！真係唔講得笑，《好報》創刊號先聲奪人，全城轟動：乜免費報紙可以咁正！睇到人心花怒放、活潑雙眼、清醒頭腦。嗱嗱嗱！唔係老朽吹水，《好報》捷報頻傳，第二期受歡迎程度更勝創刊號，數十萬份一小時內派完，全城叫好，東方報業集團為回饋熱情嘅讀者，下期話明「加料」出兩大本，與讀者共迎快樂聖誕！
老朽再次呼籲，周五揮別睡魔，校定鬧鐘叫床！一於勞動勞動，早起聽雀仔歌頌，身強力壯，從無病痛；攞份《好報》，腳健手輕，自然受用！打開《好報》，憂慮全消，愉快與共；個人如此，何況大眾！
講開又講，老朽昨日話《好報》求實傳真，與壹淫媒旗下啲「冒牌神君」不可同日而語，有讀者追問何謂「冒牌神君」？此句來自《韓非子‧說林上》，大意係講天下大旱，湖水乾涸，湖裏的蛇商量要搬家，有小蛇出主意，話要銜着大蛇條尾，大蛇又背着小蛇，於是，一群大蛇背着小蛇，小蛇銜着大蛇尾巴的怪物在大路上招搖過市，路上人們見怪物出現，驚惶失措，一邊逃一邊叫：神君來了！
韓非子比莫言更識講古仔，而且十分有哲理，世事好多嘢，睇真啲，原來萬變不離其宗，本質都係一樣；淫賤黎萬變不離其淫賤，其本質一如同文一針見血指出，對淫賤黎任何嘢都係一盤生意，「反共是假，愛錢是真」，睇《好報》拆解淫賤黎真面目，佢點解係「媒體大怪獸」？睇完，老朽掩報長嘆一聲：佢又點止係「冒牌神君」咁簡單！