渡海濠情：索女理想筍工 賣大包？

走去賣包

喺問Cici點解去賣大包前，先問佢知唔知大包係乜嘢？事關Cici對咪咪「嘥士」勁大，擔心佢以為所謂大包係指佢心口嗰兩個大包。Cici聞言就指住自己對咪咪氣道：「乜嘢呀！我真係知大包係乜嘢嚟o架！佢哋咪就係香港嘅特色點心囉！裏面有雞有肉又有臘腸，唔通你以為我會理解成心口呢對大包咩？」既然Cici真係知道乜嘢叫做大包，點解又走去賣呢？Cici解釋：「因為家陣生活艱難，所以我覺得賣大包對好多人嚟講係好事，起碼用少少錢就可以買個包食到飽，又可以幫人又可以搵銀，真係好工作嚟o架！」

誘人買包

雖然話平賣可以吸引人哋嚟買包，但講真家陣物價咁貴，原材料價格飛漲，賣包驚冇錢賺喎！Cici就笑道：「咁我最多咪薄利多銷囉！多啲人嚟買，條數應該都可以喺番度。」Cici仲忽發奇想稱，佢早就諗咗好方法嚟吸引顧客，就係喺賣包嘅時候身穿低胸靚衫，露出大條事業線，睇到班男士流晒口水，自然會走埋去買包。不過話說回來，佢唔擔心睇「包」嘅人多，買大包嘅人少，同埋冇晒啲女人客咩？Cici好認真咁話：「男人天生大食，一個人買兩個包，絕對唔使擔心銷路，更何況加上我嘅嗲功，相信一定客似雲來。」聽完Cici咁講，真係唔知應唔應該話佢有生意頭腦。

Cici小檔案：

身高：5呎3吋

三圍：35、24、34

撰文：魂

攝影：昌