小巴班次不足 大排長龍

將軍澳翠林邨位處一隅,大部分居民均乘搭專線小巴17M前住寶琳再轉其他交通工具。但居民阿堅(化名)則發現小巴班次嚴重不足,令繁忙時間候車人龍經常長逾百米,「以前已經要等好耐,屋邨附近又開咗間新嘅教育中心,我哋仲要同學生爭車搭!」

運輸署發言人表示,因應翠林邨一所新教學中心啟用,會增加人流及交通需要,故批准校方於早上上學時段開辦五班由港鐵寶琳站往翠林邨校舍的非專營巴士學生服務路線。同時亦已與17M營辦商商討,要求增加小巴班次,以配合乘客需要。

然而,阿堅卻指情況未有明顯改善,「有一日直情同冇車冇分別,我哋仲以為所有司機都請咗假,要排好耐先有車。」阿堅期望運輸署能為居民設想,認真處理事件。

(ireport_00031834)

第一手消息請下載on.cc東方互動iPhone/iPad/Android/Windows Phone Apps