「你幸福嗎？」是二○一二年的關鍵詞之一；然而，「你今日睇咗《好報》未？」卻是每周五的關鍵詞，皆因你若然起得晏，買唔到《太陽報》而睇唔到附送嘅《好報》，咁你就成為「雙失讀者」，冇咗城中最Hit最火爆嘅娛樂資訊話題，精神上的確好傷！老朽只能呼籲大家，逢周五早啲起床，早起的鳥兒有蟲吃，排隊攞份《好報》歎早餐，一周正能量儲晒喺度！
有道是「唔怕貨比貨，最怕唔識貨」，如今是「唔怕報比報，最怕唔識報」，大家睇吓《好報》嘅反應熱烈空前，下期除了加料炮製，仲可能一分為二，明益讀者，間接亦反映廣告商慧眼識《好報》，睇嚟老朽上次猛呻「免費午餐」每周一次少啲囉，有望在下年度施政報告都唔知有冇糖派時，食多幾餐《好報》，真係要學「功夫茶」嘆句：Thank God It's Friday！之不過，唔知係唔係仲有Monday？總之，有《好報》派嗰日就係好日！
《好報》娛樂猛料，獨家專訪，堅到無倫，第二期嘅「成龍22億身家，祖名小龍女冇得分」、「肥佬黎賣盤，賣得到未必好，賣唔到渣都冇」……真正係十五十六，唔睇瞓唔着，果然係發揮「好人好事」有好報，小人唔好當無到；正所謂「國無義，雖大必亡；人無善志，雖勇必傷」，呢幾句出自《淮南子》，無非係講無論在上位者或平民百姓，都必須以仁義作為立身處世嘅根本。
《好報》充分發揚「譽人不增其美，毀人不益其惡」，《好報》求實傳真，與壹淫媒旗下啲「冒牌神君」不可同日而語。睇《好報》，活潑雙眼，清醒頭腦！