特首梁振英（CY）上任後面對嘅難關可以話係一個接一個，但依然頂得住，可惜政制及內地事務局局長譚志源（Raymond）尋日回應傳媒有關訪京提問時就先行「冧檔」。當Raymond講到國務院港澳辦同中央政府會一如既往咁堅定，支持CY同特區政府依法辦事同處理手頭上嘅工作時，佢後面幅印象徵特區政府嘅「飛龍在天」圖案易拉架忽然冧咗。Raymond不但處變不驚，之後仲識講笑，話有關方面都叫佢要繼續keep fit，等佢遇到乜嘢情況出現都唔會受驚過度，有抗逆能力喎！