話眼睛係靈魂之窗，相信冇人會反對，只係澳門十八桑拿嘅樂樂卻話，眼睛唔單止係靈魂之窗咁簡單，仲有勾魂嘅作用。究竟勾乜嘢魂？咪就係勾動心水異性嘅魂囉！樂樂話只要有銳利嘅眼神，溝仔冇難度。
落夜場選美係指定動作，而呢個過程中都係靠大家嘅眼光。不過樂樂就話，其實喺選美時不但男士喺度睇緊女，囡囡亦同時觀察緊男士，睇吓邊個係佢哋嘅心頭好。樂樂笑道：「好多時我哋都會偷偷哋密斟，睇吓邊個男士係我哋杯茶，更希望對方揀自己做拍乸。為咗可以吸引對方嘅目光，我最鍾意用銳利嘅眼神電對方，等佢多啲留意我。」講到用眼神溝仔，樂樂話只有落到酒吧或的士高，先至可以充分發揮威力。樂樂解釋，因為呢啲地方好嘈，所以最好嘅辦法就係靠對眼嚟吸引男士喎！
講真，以樂樂咁好嘅條件，唔單止個樣夠索，波哋更係前凸後趷，就算唔用眼神勾引男士，對方都會自動送上門啦！樂樂擰頭話：「話唔可以咁講，事關當睇到心水目標嘅時候，往往都會等對方同你有眼神接觸，先至會決定採取進一步嘅行動。就以我自己為例，每當見到心水男士，都會等到對方望番我，四目交投後再觀察對方嘅反應。如果佢望住你微笑，就知道埋身絕冇問題。」話說回來，如果有男士望住你，而佢又唔係你杯茶呢？樂樂即刻擰歪面，然後不屑話：「咁我咪畀個咁嘅反應佢，等佢知難而退囉！」
身高：5呎3吋
三圍：34、22、33
撰文：魂
攝影：生