立法會主席曾鈺成日前出席傑出青年協會三十五周年晚宴，佢喺上台致詞時話特首梁振英（CY）好多年前接受傳媒訪問時，講過「一流人才會去從商，三流人才先會從政」，佢話CY依家正係實踐緊自己當年講過嘅嘢，但佢大嘆呢個可能係香港嘅現實，所以希望傑青喺商界發展之餘，做吓公職回饋社會喎。如果CY真係三流人才，咁身為立法會主席嘅曾鈺成咪一樣係從政嘅三流人才？
