數碼廣播（dbc）呢舊嘢明明係「貪曾」前特首曾蔭權爵士一手催生而成嘅怪胎，發展至今已幾近摺埋，無論係網上同收音機都已經音訊全無。人稱「煲呔針」嘅鄭經翰尋日出招，要求法庭頒布「買賣令」，總之一係賣晒自己啲股份畀對方，一係買起對家嘅股份。dbc之前又話義播又停播，左搞右搞結果要搞到上法庭，睇怕煲呔針已經無計可施，但過去有案例係法官會叫當事人自行解決糾紛，所以要法庭判決嘅作用有幾大確係成疑。唔知煲呔針出招前，有冇徵詢貪曾嘅意見呢？尋日出招後又有冇向貪曾報告呢？
