中環出更：廖秀冬中環打的返中環？
呢兩星期都天陰陰、綿綿細雨，搞到個人嘅心情都唔多好，早幾日卓妮喺中環遇到前環境運輸及工務局局長廖秀冬（Sarah）一個人擔住把遮，企喺置地廣場對出行人路等的士，見佢木無表情，加上雨天難截的士，Sarah罰企十五分鐘都未上到車，只好繼續苦等，期間諗嘢諗到入晒神。
卓妮走過去同Sarah打招呼，問佢打算去邊，佢竟然答話：「我返中環！」咦？乜呢度唔係中環咩？仲要去中環？
佢講完之後，心情似乎進一步跌watt，目光移向馬路邊。望穿秋水，後來終於有的士上，Sarah話咁快就跳上的士離去。
話時話，Sarah作為環保先鋒，點解中環去中環都要搭的士咁唔環保呢？