綠色先鋒：內地客嫌棄環保產品
Kevin的環保產品得到外國人欣賞，但在港反應卻有異，更曾經有內地遊客得知產品由廢物製成，即場變臉，令他大感無奈，慨嘆中港兩地的環保意識仍然薄弱。
「試過有個內地遊客拎住個平板電腦套，我同佢講係用舊地氈整嘅，佢即刻掉返畀我，好似覺得好污糟咁。」Kevin曾在外地及本港展覽環保產品，相比之下，中港兩地對環保產品的接受程度較外國低，一般需要花大量唇舌解釋產品的製造過程，亦有人認為不值得花錢買「舊嘢」，「曾有個港人買咗Boombottle後問點解嗰桶花咗，解釋完一輪，佢扁扁嘴走咗。」
不過，港人開始對環保產品受落，令Kevin倍感欣慰，「有個男人拎住我用牆紙樣辦整嘅銀包，問老婆隻紙點解咁熟面口，原來佢哋屋企用緊呢隻牆紙！之後佢哋就好開心咁買咗返屋企。」