龔仁心：張雁坤係咪太空返嚟？
【本報訊】已故華懋集團主席龔如心自○七年病逝以來，其千億遺產安排一直未有最終定案，其唯一契仔張雁坤首度開腔，質疑華懋慈善基金五年來管理不善，未能達成契媽遺願，又指契爺王德輝一家無人照顧。龔如心胞弟龔仁心反駁指，胞姊遺產受司法程序限制，暫不能動用，反問張雁坤「係咪喺太空返嚟？」
現年五十一歲、從事投資工作的張雁坤，來自法律世家，父親張貫天為大律師，並擔任王德輝私人法律顧問。由於王張兩家是世交，張雁坤自幼便常到訪王家，深得無兒無女的王德輝、龔如心夫婦痛錫，並認作契仔，張雁坤曾多次被傳媒拍得與龔如心同行，而在龔如心喪禮，張雁坤亦以孝子身份手持遺照。
張憤怒王家人未被照顧
張雁坤近日接受傳媒訪問稱，契媽留院期間他一直陪伴在旁，故十分清楚其遺願是希望透過華懋慈善基金成立像諾貝爾的獎項，在不同範疇作貢獻，但張指基金早前撤換臨時遺產管理人，未有善用經驗豐富的專業遺產管理團隊，無法確保基金持續發展，而龔家從無就基金投資諮詢他意見，認為基金應交專業人士管理及增加透明度，讓公眾監察。
張又謂，不清楚基金有否照顧龔家，但王家的人不被照顧，令他感憤怒。
龔仁心回應本報查詢時稱，由於律政司早前申請釐清華懋慈善基金是否其胞姊的唯一遺產受益人，有關官司本月十七日開審，故基金受司法程序所限，未能作慈善用途，「佢（張）鍾意點講，冇乜所謂，但佢好似唔知點運作？佢係咪喺太空返嚟？定係嚟自火星，好耐無返過地球？」
至於撤換遺產管理人，龔仁心亦指這是經法庭批准，「全部都係公開，睇唔到有咩問題」。龔亦直言，王廷歆夫婦生前生活費及死後殮葬費均由華懋集團支付，不認為無照顧王家；至於王家第二代，他說，「佢哋從來無提到生活有困難，佢哋個個都好叻，好有成就。」