港府係咪發出新嘅免費電視牌照未有最後定案，申請免費牌照嘅城市電訊主席王維基親自赤膊上陣製造輿論，亞洲電視主要投資者王征同執行董事盛品儒就不時以「騎呢」怪招反擊。
網民「山卡啦」見到王征同王維基喺免費電視牌照一役奇招百出猶如「雙生兒」，靈機一觸舊歌新詞，將歌手何韻詩嘅原曲《勞斯‧萊斯》改為《王征‧維基》贈興，寸爆兩個當事人。
