渡海濠情:唔係野獸女搵仔揀心水

宅女、腐女、肉食女呢啲形容詞大家就聽得多,只係大家有冇聽過野獸女呢?所謂野獸女就係指嗰啲做嘢冇深思熟慮,但求過癮同有趣嘅女仔。澳門打令1浴室嘅小麗就話,野獸女呢個詞語一定用唔到喺佢身上。

睇定至食

早排有報道,日本有男士喺網上開咗個自拍裸照微博,等大家上載自己嘅裸照,點知竟然吸引唔少少女上載照片,而呢啲只係覺得好玩而露肉嘅少女,被稱為野獸女。對於呢種唔使思考嘅行為,小麗就話佢一定唔會咁做。小麗解釋:「因為我做乜嘢都要經過思考,尤其係溝仔方面,更係諗過揀過先至會溝,所以我班老友經常話我冇激情。」雖然畀班老友話佢冇雷,但小麗卻覺得同男士上床曳曳,若然可以選擇嘅話,呢啲咁貼身嘅活動梗係要搵個啱心水咁話。

啱玩長揸

睇啱揀啱先至埋牙,老實講只係搵個床上玩伴而已,使乜搞到好似搵男友咁呢?小麗聞言便擰頭話:「話又唔係咁講呀!因為若然真係啱玩嘅話,我唔會玩完一次就算,所以曳曳完後如果真係啱心水,我都會同對方保持聯絡,等我以後可以再同佢玩。」咁樣玩法容乜易真係變咗拖友o架?小麗諗咗一諗後就話:「我覺得男女之間若然有Feel嘅話,先講性後談情都冇所謂,總好過有啲人談完情後曳曳,至發覺對方同你唔合拍,咁咪仲傷心?」

小麗Profile  

身高:5呎5吋

三圍:34、23、34

撰文:魂

攝影:生