探射燈：港「晶片化」緩慢 遠遜外地

九十年代已提倡

據了解，歐洲部分地區由○六年起，已推行全面使用晶片信用卡；而毗鄰香港的台灣，亦已於○九年底全面將金融卡（提款卡及信用卡）「晶片化」。香港城市大學電子工程學系副教授鄭利明稱，早於九十年代，本港已有聲音支持推廣晶片卡，「到○幾年，又再有人傾，但一直都冇落實，櫃員機只係可以讀磁帶卡，就算新卡有晶片，都只係裝假狗。」他坦言，本港對於提款卡及信用卡的保安遠較上述地方落後。

「香港喺呢方面真係有啲慢！」立法會議員（資訊科技界）莫乃光表示，目前晶片卡於本港尚在普及中，希望業界能如期更換所有磁帶卡。莫續指當局於銀行保安上可更進取，「例如參考外國經驗，研究用晶片卡會唔會有啲乜嘢問題，唔好出咗事先搞。」