前中央政策組首席顧問劉兆佳品性溫文，喺「貪曾」曾蔭權禍港七年期間一直唔聲唔聲，直到去年貪曾任期完結前夕先至忍唔住話社會爆發群眾性不滿，反映香港已到達「臨界點」，言論一石激起千重浪。點知佳叔離開政府後仲激，尋日喺其新書簽名會上論盡香港回歸十五年，不但重點狠批貪曾能力低及缺點多多，而且倚重政治化妝，又指香港受利益集團及外部勢力干擾，十足電影角色「醬爆」咁，將過去睇唔順眼嘅嘢一次過爆晒出嚟。
