政情：大舞台：曾德成忽然「邀功」

早前盛傳發展局想將啟德體育城用地改為興建公屋居屋，環境局則對興建大埔龍尾人工泳灘風波有意見，令負責該兩個項目嘅民政事務局感覺如被搶劫。經過一番爭議，最近好少露面嘅民政事務局局長曾德成，尋日忽然好神勇咁，一日內兩度現身交代該兩項事件，首先宣布龍尾人工泳灘會按原定計劃興建，之後再澄清啟德體育城會「不遷不拆」，似足議員宣布「成功爭取」咁款。