渡海濠情：毛衣做禮物 賺凸！
天氣轉涼，入夜後出街都要着件外套，而呢個時候正係囡囡開始編織毛衣嘅黃金時間，由依家開始，絕對趕得切聖誕節送件溫暖牌毛衣畀男朋友。好似嚟自澳門龍會嘅岩岩，佢話有排都唔得閒，事關佢要趕住織幾件咁多喎。
好唔得閒
今年只有20歲嘅岩岩，身邊追求者眾，而佢又唔識得拒絕人，所以一於來者不拒，目前就有四個男朋友，所以每逢聖誕或者情人節，佢就會十分頭痕。岩岩話：「好似今年，就要織四件毛衣，其中有個仲係大肥仔，我要織件加大碼添，睇嚟有排都唔得閒。」咁辛苦可以唔織嗎？岩岩話：「我自小就跟媽媽學織毛衣，所以係我唯一識得嘅手藝，我覺得男朋友收到我親手織嘅毛衣，會特別開心同溫暖，所以辛苦啲又有乜所謂，而且我又會收番佢哋嘅禮物，計落仲賺晒添喎！」
親身送上
梗係！岩岩要佢哋回贈嘅禮物，一個要送名牌包包，一個就送名牌手錶，一個就送美容療程，最後一個就送日本旅遊，份份禮物都要過萬元以上，而佢就只係每人一件毛衣，岩岩當然賺晒。岩岩話：「當然唔只送毛衣咁簡單啦，你話我全身赤裸，着起件親手織嘅毛衣喺佢眼前出現，再由佢哋攞嚟着，你話係咪乜嘢都值得先？」諗起啲畫面都令人興奮，岩岩咁都諗到，抵佢發達，但下次送頸巾係咪輕鬆啲呢？而且身上只圍住條頸巾，相信效果會更震撼，搞到我都有啲想報名做佢男朋友添！
岩岩Profile
年齡：20歲
三圍：34-23-34
撰文：小德
攝影：阿昌