有人指出，近些年，內地官方研究機構不斷發表「政績」數據，比如：城市家庭人均收入七萬元人民幣，人均住房擁有率近九成等等，然而，大多數的統計結果，與絕大多數老百姓的感覺相差萬里，「人均」的結果抹殺了貧富差別、城鄉差別、地區差別和權力差別這些現實社會的尖銳矛盾，剩下的，便只是表面光鮮的「政績」！
講真，香港被英國《經濟學人》智庫調查，指香港係全球第一位最適宜居住嘅城市，之不過，唔同嘅人有唔同嘅睇法，老朽但覺香港是個躁暴嘅城市，係個「陰謀」論最多嘅城市，如果你唔怕噪音、無懼耳聾、樂天知命，劏房都住唔起就去貝澳紮營，咁，香港的確又「居大不難」！
新政府自上台以來，亂象不停，香港呢個「福地」，睇怕要認真思量！老朽想起《鶡冠子》幾句話：「中河失船，一壺千金。貴賤無常，時使物然。」據一再傳死訊嘅國學大師南懷瑾解釋，「中河失船，一壺千金」，一隻大船開出去，到了河中間，船壞了，要沉了，這很嚴重，所有船上的生命財產都沒有了。這個時候甚麼最貴呢？一個葫蘆，「一壺千金」，一億價錢都值，要救命啊！船沒有了，抱到了那個葫蘆，有浮力，人就死不了。
香港回歸十五年，何以依然小事吵大事鬧，何以人心仍未能回歸？「一壺千金」，正當多事之秋，香港的那個有浮力的葫蘆在哪裏？在上的若不好好反思，一味盲目唱好，那港人要哄自己開心，只好繼續做夢！夢囈依稀叫着香港是「福地」！