渡海濠情：着泳衣賣涼茶 生意實唔差！
話說美國加州有間髮型屋生意特別火爆，客人日日喺門口排晒長龍，點解咁好生意？原來老闆搵咗全女班髮型師，更出位嘅係囡囡着住性感比堅尼示人，真係虧佢諗得到。嚟自極品桑拿嘅小雪，佢話有錢都整番間涼茶舖嚟搵錢喎。
有效降火
小雪話：「我諗過o架啦，最賺錢嘅生意就係做飲品店，好似台式珍珠奶茶店，據講獲利可以高達八成以上，但我有一招仲正，就係做廣東涼茶舖，賣吓廿四味、菊花茶，一來獲利更豐，二來比其他化學飲品有益。此外，我間舖搵四五個年輕囡囡，着住性感比堅尼嚟做生招牌，相信一定會大受歡迎，就算天氣唔熱，哥仔唔燥底，但見到我啲囡囡個個青春美麗，熱情如火，到時真係想唔幫襯都唔得，幾十蚊嘅龜苓膏都可以賣多幾盅呀！」小雪咁有諗頭，睇嚟佢間涼茶舖，想唔發達都幾難。
生意火爆
但涼茶舖會唔會提供埋按摩或者其他特別服務呢？小雪話：「本來我都想，錢邊個會嫌賺得少，但我怕囡囡太招搖會造成騷動，到時有關方面就會採取行動，拉人封舖就大鑊，所以都係賣番涼茶算啦，何況以美國嘅例子，佢都係只做剪髮，就已經發到豬頭，仲話會開分店添，我睇都係腳踏實地，專賣涼茶算啦！到時搵到第一桶金，就學人開分店，一間變兩間，兩間變四間，四間就變特許經營，之後上巿，好快就成為首富啦！」見小雪咁開心，就由得佢繼續發吓夢先。
小雪 Profile：
年齡：20歲
三圍：35、24、35
撰文：小德
攝影：阿章