內地水貨客激發中港矛盾，網民早幾日自發舉行「光復上水站」活動，吸引幾百名市民參加，就連特首梁振英（CY）早兩日都要親自去上水視察環境，足證問題幾嚴重。工作效率奇高嘅政務司司長林鄭月娥尋日就配合CY嘅行動，宣布政府舉行咗跨部門會議，與會包括警方、入境處、海關、地政總署、消防處、食環署，就連港鐵都包括埋，咁快搵到咁多部門及機構一齊做事，相信水貨客問題解決之期不遠矣。
