渡海濠情：還人情債 肉償最痛快!
選舉完畢，好多當選或落選嘅朋友，近日都四出謝票，廣播車嘅聲浪冇話因為選舉完畢而暫停。對於謝票行動，嚟自澳門凱旋桑拿嘅玲玲，佢就話欠人嘅情，就算以身相許都要！
勇奪冠軍
玲玲話：「我唔知你哋選乜嘢，但我記得喺夜總會做公關嘅時候，曾經搞過花國小姐選舉，客人可以用一百蚊買張選票嚟投畀心儀嘅佳麗，當其時我入行冇耐，但勝在人靚胸大，所以好多客人都Like我，個個嚟親捧場，都會一擲千金，買十幾廿張選票嚟選我，被捧為三大熱門之一，嗰啲資深阿姐當然睇唔過眼，個個都吹雞叫晒啲老相好嚟捧場，搞到我成為眾矢之的，最後啲媽咪睇唔過眼，每晚都走嚟同客人講我告急，要佢哋多多支持，最後我咪以新人身份勇奪花魁囉！」
乜都應承
真係睇唔出，玲玲都經過舉選洗禮：「我單係謝票都謝咗幾個月，因為支持我投過我票嘅客人不計其數，都有過百人，所以每晚謝一個，我都要謝三個月。」咁你點謝票呀？玲玲話：「我好少同客出街，為咗謝票，咪同佢哋出街囉！有時食吓飯或者遊吓車河！」咁簡單？冇人有過分要求咩？玲玲話：「都有o架！為咗謝票，我都會應承佢哋。」咁做咗花魁有乜嘢好處呀？玲玲話：「一啲好處都冇，下年公司再選，我即時劈炮唔撈，免得再欠客人嘅人情，有排都還唔晒呀！」
玲玲Profile
年齡：21歲
三圍：35-24-35
撰文：小德
攝影：阿程