五分鐘決定 要腳定要命
【本報訊】鴻仔父母趕往醫院時，被醫生要求在五分鐘內決定「要腳定要命」，兩老簽字決定為兒子截肢保命一刻痛不欲生，坦言：「喺呢生死五分鐘要下決定，真係好難！」鴻仔是家中獨子，最愛逛街踏單車，今次意外後恐怕以後不能再踏單車，又慨嘆：「冇咗隻腳，咁就一世喇！」其子轉行做地勤及回鄉娶妻的計劃亦不知如何是好。
出事前最愛踏單車
李父說，意外後得知兒子在救護車上心臟停頓，感到晴天霹靂，「當時真係以為會無咗個仔。」最後鴻仔保住性命，但慘變殘障，他心痛欲絕：「依家執番條命，算係不幸中之大幸！但係我一定會追究，我個仔無咗隻腳，咁就一世喇！」他說鴻仔朋友不多，與家人相處融洽，和胞姊感情最好，他性格好動，放假最愛一個人逛街，最近買了一架摺合式單車，每晚放工後會在附近的海濱長廊踏單車。
他說鴻仔最近曾透露不想再做清潔工人，希望有機會轉職機場地勤搬行李，現恐難以實現，李父又說：「鴻仔未拍過拖，我本來打算遲啲帶佢返鄉下娶老婆，依家搞成咁都唔知點算﹗」