綠巴無站漠視運頭塘居民
「明明經過運頭塘邨都唔停站，要行返去火車站先上到車入碗窰，真係好唔方便！」居於碗窰的張小姐指出，平日會前往附近的運頭塘邨購買餸菜，惟來往碗窰及大埔墟的23S、23K及20S專線小巴皆未有於運頭塘邨設置分站，每次需步行至大埔墟站才能乘搭，對居民造成不便，「好多小朋友喺運頭塘邨嘅學校返學，但係條邨附近全部係禁區，又冇其他中途站，逼住要行返轉頭，個設計根本就冇考慮過我哋嘅需要！」
運輸署發言人指出，現時達運路近運頭塘邨有一巴士停車彎位，但該處屬專線小巴禁區範圍。為方便乘客，當局正與有關專線小巴營辦商商討申請禁區豁免許可證事宜，待細節落實後，有關專線小巴將可在該停車彎位上、落客。