澳門直擊：日本女優澳門晒波登場

親善大使

亞洲成人博覽年年搞，年年有女優撐場，細佬仲記得上年搞到逼爆碼頭冇船走添！但係今年實在有啲敏感，連細佬都擔心日本女優會避風頭No Show添！但原來係我見識少至真，AV女優早已見慣大場面，冇諗過縮之餘仲「親善大使」上身，誓要用熱情波哋「融化」在場人士。今次女優來澳陣容都算架勢，請嚟團體BRW108當中4位最具人氣女優，包括小倉奈奈、小川亞沙美、大橋未久及安城安娜表演及簽名，現場所見起碼有過千人排隊等簽名影相，可惜女優只喺8月17日當日衝衝站台15分鐘就收隊，錯過咗睇怕要等下年喇！

不過好在，有〈男極圈〉喺度，細佬又點放過近距離接觸機會呢，馬上攞咗囡囡親筆簽名，兼同佢哋嚟個貼身訪談添！訪談之際，4位女優仲喺小記預備嘅背心上，即刻簽個名話要送畀我添！有簽名有體味嘅禮物，認真夠晒貼心；而且真係發夢都冇諗過，幾位咁紅嘅女優竟然會咁冇架子兼且咁鬼Sweet，好過大把所謂嘅明星多多聲。

安城安娜副偈弗到爆，前後任影乜都肯制！

小倉對港男嘅印象唔錯，大家有機！

獨家專訪！BRW108：「好想來港拍片！」

時間關係，4位女優滾水淥腳做騷，但都畀細佬做個獨家專訪，小倉奈奈仲話考慮嚟香港拍三級片，係咪堅呀？

小川亞沙美自動波擺甫士，當日仲走光益街坊添！	四大女優着完嘅背心仲要親筆簽名，認真畀面〈男極圈〉。	大橋未久自言第一次來澳，仲好希望同港男交流喎！

男：男極圈　小：小倉奈奈

男：BRW108團體名稱意思是？

小：每次講起總令人誤會，我要清楚解釋：「B」是Bitch亦即Annoying意思，令人煩惱的女人，「R」是Ritch刁蠻公主，最後「W」意思是Witch惡女，而世界上只有這三種女性，集合起來的團體就是BRW108。

男：BRW108有幾多人，成立目的是甚麼？

小：女優團體BRW108人數共有108位現役女優，想了解我哋每位女優可以瀏覽http://brw1 08.asia/。成立目的係希望提升日本AV女優職業地位及形象，希望更多人了解AV女優的價值，同時開拓海外市場，藉此增加交流機會。所以無論各行各業對BRW108所屬女優想有任何合作模式，我哋都歡迎！

男：衝出日本後下一站會是內地、香港還是台灣市場？

小：其實任何國家地區我哋都會考慮，現階段BRW108同韓國及台灣都有合作關係，未來會陸續見到我哋團員喺電視及雜誌作Model演出，至於拍AV則要視乎當地接受程度！

男：港產三級片《3D肉蒲團》空前成功，當中兩位女優紅遍中港台，如有合適劇本會否來港拍戲？

小：這方面當然想啦！正如先前所講BRW108好希望有多啲不同文化嘅交流機會，未必一定是情慾片，即使是愛情片都可以，但我希望可以多啲團員一齊參與其中。至於我個人當然希望被外商睇中出國拍片，先前去過香港覺得地方好靚，如果公司可以為我安排喺香港取景就太好！

男：BRW108經常會否學「師姐」《惠比壽麝香葡萄》出國做騷減少AV製作？

小：這個大家放心，我哋絕對不會，皆因BRW108現有108位女優，期間會有女優退役亦有新人加入，而且現時只屬起步階段，一切言之尚早，反而因為有團隊後，公司希望更多組合式大型AV製作推出！

男：有否跟日本以外的男士有性經驗？對港男印象如何？

小：工作或私生活，我個人未試過同日本以外的男士有過性行為，希望將來有機會，至於我來港次數不多，未有機會真正了解港男，但發覺佢哋身材很好，感覺友善。

撰文：祖

攝影：生