遊樂場設施損壞無人理
「張搖搖櫈爛咗成個月都冇人理，又唔貼通告又唔圍住佢，萬一有小朋友玩玩吓整親邊個負責？」石排灣邨居民楊先生指出，碧銀樓平台設有兒童遊樂設施，惟損壞多時仍未獲處理，「嗰邊仲有個拉手臂嘅機都係壞咗好耐，房署好似完全冇檢查咁！」
房屋署發言人接獲轉介後始稱，有關設施現已圍封及停止使用，並將安排維修。惟因兒童遊樂設施配備配件需時，工程預計約需兩個半月才能完成；至於康體設施方面，由於型號已停產並缺乏零件更換，故將會拆除。
「咁使唔使整兩個幾月咁耐？」楊先生對房署需長時間施工表示不滿，要求房署履行職責，加強巡察及檢查邨內設施，保障居民安全。