冷氣機滴水殃及途人
「成條街滴水滴到好似落雨咁，仲要喺正巴士站，搞到等車嘅人全部要匿喺簷篷底！」鰂魚涌街坊賴小姐指出，英皇道往北角方向一段行人路冷氣機滴水問題已存在多年，尤以晚上情況最為嚴重，不滿食物環境衞生署一直未有積極處理，「每逢夏天都係咁，幾時先搞掂？」
東區區議員趙家賢亦指上址滴水情況已幾近失控，「呢度十幾年嚟都滴得好嚴重，成日都好似落局部地區性驟雨咁，食環署嘅處理一直都唔理想！」趙承認對查找滴水源頭存在困難表示理解，但認為食環署有責任盡快提出有效解決方法，並提醒居民自律，須妥善處理冷氣機滴水情況。
食環署發言人指出，該署除向有關樓宇及單位派發宣傳教育單張外，亦會向冷氣機滴水住戶發出「妨擾事故通知」，並向未有遵從通知規定人士提出檢控。發言人補充，該署今年起共接獲十三宗涉及上址的相關投訴，已發出五張「妨擾事故通知」。