政情：劏房事件 純官：雞蛋挑骨頭

發展局局長陳茂波因為「劏房事件」搞到周身蟻，新世界主席鄭家純尋日就力撐話，覺得啲人將陳茂波「劏房事件」呢啲成廿年前發生嘅嘢再撩番出嚟講係「雞蛋挑骨頭」，認為呢啲風氣好差咁話。

純官又教大家，話做局長就係睇將來嘅政績，「劏房事件」唔會影響陳茂波適唔適合做局長，佢個人就覺得陳茂波做局長係完全勝任有餘喎。