政情：蕭思江參選 棄跳「飯碗舞」
立法會體育、演藝、文化及出版界選舉，除咗港區人大代表馬逢國同「伙炭」工廈藝術家關注組周俊輝對決外，臨近提名期尾聲再殺出以跳「飯碗舞」聞名嘅蕭思江。不過，蕭思江話自己唔係要贏，只係要馬逢國承諾當選後，如果將來每月多於一次缺席立法會會議時，就要以書面向傳媒交代。
蕭思江又話，今次參選會放棄跳「飯碗舞」，奮力同對手比政綱，矢言就算零票落敗及賠上選舉按金亦在所不惜。
唔講唔知，原來三位候選人都唔係該界別選民，要證明有界別聯繫方可出選，周俊輝就簡單以「伙炭」董事會主席及工廈藝術家關注組一職輕鬆證明，而馬逢國就用咗兩版紙力數自己過往公職。好多人都諗唔到蕭思江同界別有咩聯繫，佢就報稱做作家及一間出版社嘅董事，結果三人都合資格參選。