政情：大舞台：百變林鄭呢頭救火 嗰頭執膠

上任一個月嘅政務司司長林鄭月娥，早排不停幫管治班子救火，先有麥齊光涉嫌呃租津，後有吳克儉秘密赴京，近排又有陳茂波事件，次次都要林鄭出嚟解畫善後，尋日佢就變成清道夫，以署理特首身份，出嚟講解「膠粒」風波，苦口婆心咁話啲膠粒對人無害，叫市民唔使驚，又話會吸取今次經驗，下次遇到同類事件會盡早公布喎。忙於救火又要忙執膠，唔怪得特首梁振英話要開設副司長，去做啲長遠嘅規劃喇。