綠色先鋒：飲食緣素
「唔食肉你點高呀！」不少媽媽反對子女茹素會影響健康，土生土長港人Joe（程沛生）的母親亦不例外，但無阻Joe於青春期起轉為食素，更創立環保素食facebook群組推廣素食文化，面對身邊人及環境的阻力，他坦言：「喺香港堅持食齋你估話咁易呀？」
美味佳餚 葷素難辨
「素食者食得最多嘅一定係羅漢齋，食都食到悶呀！」Joe笑言，中學時期和朋友出外食飯，他們食葷，可以隨意點餐廳內任何一款食物，自己則「餐餐羅漢齋」。
現在的素食者幸福得多。本地素食餐廳不論中外菜式都可享用，而且味道絕不比葷遜色。「好多人都有錯覺，覺得素一定無咩味，或者好難食。」Joe反指曾到一間中式素食餐廳，點了東坡肉，連吃葷的人逐口逐口細味，也未必分得出那是素食。
素食者於「大時大節」亦不愁好去處，現時不少特色餐廳推出素食自助餐，前菜、主菜和甜品應有盡有。另外，部分酒店、酒樓亦有推出全素酒席，每圍十二款特色素菜，藉以推廣素菜和環保概念，相信各位素食者和Joe絕不會錯過。
自十四歲見到街市裏一幕幕「劏雞」血腥場面後，令Joe對肉食習慣重新思考和定位，更認為殺生食肉根本不是生理需要，只為滿足食欲。「諗通之後我開始食素，對食素嘅定義亦摸索咗好耐。」Joe說，當時不斷瀏覽素食網頁和論壇，發現茹素除可減少殺害動物，亦有助保護環境，「養一隻動物嚟食，要用多好多資源，排多好多碳！」畜牧業佔全球溫室氣體總排放量的百分之十八，而全球肉類需求數字卻不斷增加，Joe坦言，食素能有助減排，為環保出一分力，是他十年來堅持茹素的最大原因。
慈母曾擔心影響發育
「開始嗰陣屋企都唔係太鍾意我食素，最緊要解釋畀佢哋聽原因。」Joe憶述，當時母親的反對聲音最大，曾擔心他茹素會影響發育，甚至試過將細小的肉絲拌在飯菜中，「好彩我醒先發現到！後來佢見我同食肉嘅細佬一樣高，一樣咁大隻，慢慢都好支持我。」Joe表示，數年前曾經到香港素食會，希望可以找同路人互相交流茹素心得和推廣環保的理念，豈料碰不上一個年輕人，成為他之後在facebook創立「素食青年」群組的一大契機。
群組短時間內吸引多人加入，經常四出搞活動，然而，聚會令Joe深深體會到要在香港以素食文化推廣環保，實在並不容易。「有時啲餐廳明明有位，都會覺得要整成圍素食，麻煩而唔做我哋生意。」Joe明白別人立場，亦表現包容，與素食者不為滿足自己的理念同出一轍，故他們改到收費比較昂貴的素食餐館聚會。
「希望多啲人食素，一齊加入環保！」現時，「素食青年」群組人數已突破三千大關，Joe寄望，當茹素的人數愈來愈多，甚至成為主流時，素食餐廳的數目亦自然會多起來，屆時便算是完成其訂下推廣環保的目標了。
記者陳名仲